O RC Celta prolonga a súa boa serie e co empate ante o Xetafe (1-1) suma cinco xornadas sen coñecer a derrota. Ante o equipo azulón os de Eduardo Coudet asinaron un partido moi serio e traballado.
Na primeira parte apenas houbo chegadas de perigo e as únicas ocasións creadas terminaron en gol. Adiantouse o Xetafe cun gran tanto desde fóra da área de Damián Suárez nos primeiros minutos e puxo o empate Iago Aspas desde o punto de penalti cando se cumpría o cuarto de hora de partido.
O segundo tempo continuou coa mesma dinámica e case a totalidade do xogo desenvolveuse no centro do campo, onde se facían fortes Denis Suárez e Renato Tapia. No tramo final non chegaron máis ocasións e ambos os equipos asinaron un pelexado empate.
FICHA TÉCNICA
1 – GETAFE: Rubén Yáñez; Damián, Djené, Cabaco, Nyom; Timor (Patrick, min 56), Arambarri, Maksimovic, Cucurella; Enes Ünal (Ángel, min 56), Cucho Hernández (Mata, min 56)
1 – CELTA: Rubén Blanco; Hugo Mallo, Araujo, Murillo, Olaza; Baeza (Emre Mor, min 64), Tapia, Denis Suárez; Nolito (Okay, min 81), Iago Aspas, Brais Méndez
Goles: 1-0 Damián, min 6; 1-1 Aspas, min 16
Árbitro: González Fuertes (Asturias). Amoestou a Nyom, Damián, Cabaco (Getafe) e a Murillo, Araujo, Emre (RC Celta)
Campo: Coliseum Alfonso Pérez
