O RC Celta non puido sumar ante o Real Madrid no seu segundo partido de LaLiga nun estadio Abanca Balaídos entregado desde o primeiro minuto ao seu equipo.
Os de Eduardo Coudet tiveron que loitar contra o temperán gol de Karim Benzema tras un discutido penalti de Renato Tapia que sinalou o VAR. Iago Aspas puxo o empate no minuto 22 ao transformar maxistralmente un penalti cometido sobre Paciencia.
Os celestes xamais baixaron os brazos a pesar de irse ao descanso por detrás do marcador por culpa dun gol desde a frontal de Luka Modric. Abanca Balaídos empuxou na segunda parte pero non houbo premio á entrega do equipo. Vinicius (minuto 56) e Valverde (minuto 65) marcaron os outros dous goles do partido.
Marchesín luciuse sacando un penalti a Hazard no minuto 86. A afección do RC Celta premiou o esforzo e valor dos seus xogadores cunha unánime ovación tras o asubío final.
O RC Celta visitará ao Xirona o vindeiro venres ás 20:00 horas na súa primeira saída desta tempada.
FICHA TÉCNICA
1- RC CELTA: Agustín Marchesín; Hugo Mallo, Joseph Aidoo, Unai Núñez, Javi Galán; Renato Tapia (De la Torre, min. 85), Óscar Rodríguez (Veiga, min.78), Franco Cervi, Fran Beltrán; Paciência (Carles Pérez, min. 68) y Iago Aspas.
4 – REAL MADRID C.F. : Courtois; Carvajal (Rudiger, min. 68), Militao, Alaba (Ceballos, min. 77) , Mendy, Camavinga (Hazard, min, 82), Valverde, Tchouameni, Modric (Lucas, min 77) , Vinicius (Asensio, min.82) y Benzema.
Goles: 0-1 Karim Benzema (min. 13); 1-1 Iago Aspas (min. 22), 1-2 Luka Modric (min. 42); 1-3 Vinicius (min.56); 1-4 Valverde (min. 65)
Árbitro: Gil Manzano. Amoestou con tarxeta amarela a Renato Tapia (min. 12) e Hugo Mallo (minuto 84) por parte do RC Celta. Alaba viu tarxeta amarela no minuto 68 no Real Madrid .
Incidencias: Encontro correspondente á segunda xornada de LaLiga Santander disputado no estadio Abanca Balaídos con cheo total e ambiente de gala nas bancadas
