Coa defensa e a portería dilixentemente apontoadas, o RC Celta enriqueceu a súa liña de ataque primeiro co internacional portugués Gonçaalo Paciencia e agora coa incorporación dun xogador polivalente, veloz e con gran desborde e chegada. O atacante Carles Pérez xogará esta tempada no RC Celta tras o acordo de cesión, con opción de compra, alcanzado coa AS Roma.
O futbolista catalán, de 24 anos de idade, disputou 13 partidos co FC Barcelona, nos que anotou dous goles e deu tres asistencias, antes da súa positiva incursión no Calcio. Coa AS Roma, Carles Pérez xogou 75 encontros, entre eles varios de Europa League e de Conference League, competición na que se proclamou campión.
O xogador celeste foi ademais internacional coa Selección Española Sub-16, Sub-17 e Sub-21. Trátase da oitava incorporación do RC Celta para a presente tempada tras a chegada de Williot Swedberg, Luca da Torre, Óscar Rodríguez, Unai Núñez, Agustín Marchesín, Óscar Mingueza e Gonçalo Paciencia.
