Fran Beltrán alzouse co Premio Estrella Galicia do mes de abril polo seu gran rendemento nos partidos ante Real Madrid, Espanyol, Athletic Club e Getafe. O centrocampista celeste alcanza deste xeito o seu terceiro premio esta tempada, o que demostra o crecemento futbolístico que mostrou nesta campaña que xa conclúe.
“Grazas á afección, aos meus compañeiros e ao corpo técnico puiden conseguir estes trofeos que aínda que son individuais ao final é grazas a todos. Estou contento e ilusionado porque ao final demostra que o traballo que se está facendo é bo”, indicou Fran Beltrán.
O xogador do RC Celta destacou ademais que “é ilusionante para o que vén porque fixeches o teu traballo esta tempada de xeito acertado e é gratificante que a xente que viu os partidos decida concederme este premio”.
