Charles, con dous tantos na segunda parte, pechou un merecido triunfo (2-1)
O Celta desatouse na segunda metade ante a Valencia, que chegou ao descanso, tras unha primeira igualada, con vantaxe no marcador. Charles, con dous tantos, traduciu a superioridade celeste nunha merecida e valiosa vitoria para pechar a primeira volta.
Inicio pausado do partido, que comezou a axitarse ao dez minutos cun bo remate de Augusto desde a frontal que despexou Alves. A Valencia mostrouse desde o inicio como un duro rival, con bo movemento do coiro e voracidade arriba. Os celestes tiñan dificultades para saír con claridade e chegar a zona de perigo con suficiencia. Cando o facía, puña en aprietos aos valencianos.
Aos 17 minutos, gran contra de Orellana con pase final a Charles e remate do celeste que despexou Alves de maneira prodixiosa. Gran ocasión para os vigueses nun momento do choque en que apertaban con ganas. Neses minutos, boas chegadas e varios remates dun Celta que ía a máis.
E xusto foi cando encaixou. Mala saída de balón, centro desde a dereita e cabezazo á rede de parello. Ían 23 minutos e os celestes tardaron en reporse do golpe.
No tramo final da primeira metade, o conxunto local tiña o dominio, pero ate unha Valencia ordenado, ben metido atrás, e que saía con velocidade en canto roubaba. Augusto lanzou preto do pau esquerdo no minuto 43 nunha nova ocasión para os celestes, a última desta primeira metade.
Tras o descanso, gol do Celta. Gran pase de Rafinha cara a un fenomenal desmarque de Charles, quen controla e bate a Alves na área pequena. Partido novo con toda a segunda metade por diante.
Os celestes seguiron insistindo en busca dun segundo tanto que a dese a vitoria. Boas combinacións por ambas as bandas ante unha Valencia acazapado. Os célticos dispuxeron dun par de boas ocasións nos seguintes minutos, cun dominio total do choque.
Pasados o vinte minutos de xogo, a Valencia apenas era capaz de cruzar a campo celeste, pero defendía con solvencia as arremetidas dos locais.
O dominio céltico foi aumentando co paso dos minutos ante un rival que buscaba o empate ante a ambición dos vigueses. O premio chegou aos 32 minutos: Golazo de Charles. Roubou de Krohn-Dehli, balón ao ariete, caneo cara a fóra e zapatazo impresionante. O Celta pido pechar o partido no último minuto cun remate de Nolito que repeleu o traveseiro. Infortunio, unha vez máis, para os vigueses. E xusto despois, a mesma xogada a favor da Valencia. Pau e remate final desviado.
FICHA TÉNICA
2-R.C.Celta: Yoel, Hugo Mallo, Cabral, Fontás, Jonny, Oubiña, Augusto (Nolito, min.70), Álex López (Krohn-Delhi, min.70), Orellana, Rafinha e Charles (Santi Mina, min.79)
1-Valencia C.F.; Diego Alves, Joao Pereira, Costa (Bernat, min,76), Mathieu (Víctor Ruíz, min.38), Guardado, Parejo (Javi Fuego, min.64), Canales, Romeu, Piatti, Feghouli e Jonas
Goles: 0-1, min.23: Parejo; 1-1, min.49: Charles
Árbitro: González González, do comité castelán-leonés. Amonestou a Guardado, Pereira
Campo: Balaídos, 20.007 espectadores. Antes do comezo do partido gardouse un minuto de silencio en memoria do ex presidente celeste Jaime Arbones e do ex adestrador Jose María Maguregui. Augusto Fernández recibiu o III Premio Manuel de Castro como mellor xogador do Celta do ano 2013, galardón otorgado polos votos de afección, peñas e prensa.
