Joseph Aidoo volveu xogar cos seus compañeiros tras máis de nove meses afastado do verde. O central, que sufriu o pasado mes de outubro no seu primeiro compromiso co combinado de Ghana unha rotura do tendón de Aquiles da súa perna esquerda, disputou 15 minutos no último partido amigable do RC Celta fronte ao Gil Vicente.
Douscentos afortunados celtistas tiveron a ocasión de ver na Cidade Deportiva Afouteza o emotivo regreso do 15 celeste. Ovacionado pola afección, Aidoo saltou ao terreo de xogo no minuto 75 e asinou varias actuacións destacadas.
Tras esta primeira toma de contacto tras a súa lesión, Joseph avanza para volver achegar a solidez, forza e seguridade que lle caracterizan á zaga do RC Celta.
Bienvenido de volta, Joseph!
