O RC Celta fortalece o seu centro do campo coa chegada do internacional estadounidense Luca de la Torre, un futbolista californiano de 24 anos de idade con experiencia na Premier League e a Liga holandesa que achegará brío, talento e calidade á medular celeste.
De la Torre, quen ten nacionalidade española, chega procedente do Heracles Almelo e firma catro tempadas polo conxunto celeste. Trátase do segundo xogador estadounidense na historia do RC Celta, que hai uns anos gozou das calidades de Guiseppe Rossi.
O centrocampista, formado no Fulham, disputou 64 partidos na Eredivisie e 10 encontros coa Selección absoluta de Estados Unidos, o último deles a mediados do mes pasado.
