Maxi Gómez cumpriu este venres ante o Leganés 50 partidos coa camiseta do RC Celta en Primeira División. Nese medio centenar de encontros o dianteiro uruguaio conseguiu anotar 25 goles, un cada dous partidos. Ademáis, a súa excelente primeira campaña no equipo celeste permitiulle participar no pasado Mundial de Rusia coa selección de Uruguai.
O ariete entrou na historia do RC Celta a tempada pasada ao converterse, con 17 dianas, no xogador que máis goles marcou na súa tempada de debut, superando a nomes como Catanha, Amarildo, Nolito ou Penev.
