O adestrador do RC Celta, Miguel Cardoso, mostrou a súa decepción polo empate do conxunto celeste ante o Leganés en ABANCA Balaídos. “Hoxe vimos un gran partido do RC Celta, un equipo que tivo a capacidade de manter a fidelidade do seu plan de xogo desde o primeiro ata o último minuto. Estou contento co que fixeron o xogadores pero non co resultado”, apuntou o adestrador portugués.
Sobre a melloría a nivel defensivo, Cardoso destacou a actuación de todo o equipo. “Creo que vimos dous ou tres cousas en defensa que son os comportamentos que queremos. Hoxe viuse un equipo que perde o balón e reacciona, que non deixa saír ao rival”, eloxiou o preparador luso.
