O adestrador do RC Celta Miguel Cardoso destacou a “forza” e “entrega” dos xogadores do equipo vigués na derrota ante o Levante UD. “Na primeira metade non nos foi sinxelo porque o Levante fíxonos unha presión moi alta e a natureza dos nosos xogadores non nos facilita xogar con profundidade. Na segunda parte o partido foi bastante distinto”, sinalou en rolda de prensa.
Sobre os goles encaixados, o técnico portugués destacou que defender “é unha tarefa colectiva”. “Os erros en LaLiga páganse e nós cometémolos na primeira metade. Hai que ter máis o balón para que o rival non nos xere ocasións”, indicou Cardoso.
