As boas noticias non cesan para Damián Rodríguez. O mozo canteirán foi convocado para unirse á concentración da Selección Española Sub-21.
Damián poñerase baixo as ordes de Santi Denia, seleccionador nacional, para preparar o partido do próximo martes, 10 de setembro ás 17:45h., ante Hungría no Széktói Stadion. Un encontro correspondente á fase de clasificación para o Europeo de Eslovaquia de 2025, na que o conxunto español lidera o Grupo B.
Tras a baixa de Pablo Barrios, esta convocatoria supón un novo recoñecemento ao rendemento que o xogador demostrou neste inicio de tempada co RC Celta, ademais de premiar o esforzo, compromiso e disciplina coa que traballa día a día.
O club quere darlle os seus parabéns e mostrar o seu orgullo cara ao mozo canteirán que é un digno representante dos valores celestes cos que agora defenderá as cores de todo o país.
Parabéns, Damián!
![Convocatoria_Internacionais_16-9](https://rccelta.es/app/uploads/2024/09/Convocatoria_Internacionais_16-9-768x432.png)
Primeiro Equipo