Tras Sergio Carreira, outro canteirán celeste amplía a súa vinculación co club, nesta ocasión ata xuño do ano 2025. O central Jose Fontán asinou esta mañá co presidente do club, Carlos Mouriño, a ampliación do seu contrato ata as catro tempadas
José Fontán (Vilagarcía de Arousa, 2000), chegou ao club celeste no ano 2011, cando militaba en categoría alevín e desde entón non deixou de evolucionar, crecer e mellorar. Debotou co Celta B en 2018 e alcanzou a treintena de encontros co filial en Segunda División B. Co primeiro equipo, onde actuou tanto de central como de lateral esquerdo, suma un total de 17 partidos, catorce de Liga e 3 da Copa do Rei.
