NESTORCAMISETA-WEB-1.jpg
Primeiro Equipo

O RC Celta dota á súa defensa de oficio, solvencia e calidade coa chegada do central Néstor Araujo

RC Celta

Chega ao RC Celta un defensa central cunha brillante traxectoria, gran experiencia, tanto a nivel nacional como internacional, e unha enorme ilusión. O defensor Mexicano Néstor Araujo será xogador do club vigués as próximas cinco tempadas unha vez pechado o acordo co futbolista e o seu club de procedencia, o Santos Laguna.

Araujo (Guadalajara, México; 29 de agosto de 1991) é un central solvente, de gran presenza física e excelente manexo de balón. Chega ao Celta avalado por unha longa carreira plagada de éxitos, tanto na súa Liga como coa selección nacional. En 2016 recibiu no seu país o Balón de Ouro ao Mellor Defensa da Primeira División de México e en 2017 formou parte do once ideal da máxima categoría do fútbol mexicano.

Coa Selección absoluta de México disputou un total de 25 partidos, nos que anotou tres goles e nos últimos anos é un fixo neste combinado nacional. Foi participe da clasificación de México para a Copa do Mundo de Rusia, pero unha lesión impediulle a última hora acudir a esta competición.

Ademais dun gran protagonismo na selección absoluta, Néstor Araujo acumulou partidos e títulos nas categorías inferiores do combinado nacional mexicano: Campión Sub-20 da Concacaf, medalla de ouro dos Xogos Panamericanos e medalla de ouro nos Xogos Olímpicos de Londres,

Con Santos Laguna, logrou dous títulos de Liga, o último fai unhas semanas con Santos, unha Copas de México e a Copa de Campións. Ademais, foi tamén campión da Copa Mexicana con Cruz Azul.

 

RC Celta

Etiquetas

Primeiro Equipo Novas primeiro equipo Novas primeiro equipo Novas primeiro equipo Primeiro Equipo Primeiro Equipo

Noticias recomendadas