O RC Celta engade un novo rival á súa pretempada. Os celestes desprazaranse á localidade portugesa de Braga o venres 29 de xullo para xogar un partido amigable ante o SC Braga (hora por confirmar) no espectacular Estadio Municipal de Braga.
Trátase do segundo rival confirmado na pretempada celeste tras o anuncio do primeiro partido en EEUU na historia do RC Celta. O conxunto vigués medirase ao San José Earthquakes, club fundador da MLS, o 20 de xullo no estadio PayPal Park.
Partidos confirmados pretempada 2022/23
20/07 | San José Earthquakes (Estados Unidos)
29/07 | SC Braga (Portugal)
