Uns 4.000 afeccionados celtistas acudiron ao estadio de Balaídos para dar a benvida ao futbolista
VÍDEO EN CELTA TV – GALERÍA DE IMAXES
Rafinha Alcántara foi presentado esta tarde no estadio de Balaídos. O vicepresidente do Celta, Pedro Posada, e o director deportivo, Miguel Torrecilla, foron os encargados de dar a benvida ao xogador en nome do club.
“Para min é un día moi emotivo”, declarou Rafinha, “quero devolver ao máximo a ilusión que hai posta en min”. O futbolista hispano-brasileiro asegurou que apostar polo proxecto do Celta non foi complicado: “un equipo do que sempre fun aficcionado, a miña familia, un bo adestrador… tomei mellor a decisión”.
Tras atender aos medios de comunicación na sala de prensa, Rafinha vestiuse coa camiseta celeste e saíu ao céspede de Balaídos, onde lle agardaban uns 4.000 afeccionados. O centrocampista incorporarase esta mesma tarde aos adestramentos do primeiro equipo na Madroa.
Fotografía: Diego Pérez