Non hai vitorias que non custen, e o Real Madrid comprobouno este mediodía #ante un RC Celta que vendeu moi cara a súa derrota no Santiago Bernabéu (3-2). O equipo de Claudio Giráldez ofreceu unha versión valente, intensa e decidida, especialmente nunha segunda parte na que puxo contra as cordas aos merengues e rozou o empate, pero non tivo premio.
O partido comezou cunha declaración de intencións por parte dos celestes. En apenas seis minutos, xa xeraran tres ocasiones claras, obrigando a Courtois a intervir e quitándolle idea de que aquel sería un choque sinxelo. O equipo presionaba arriba, corría con sentido e non se achicaba #ante os cánticos do Bernabéu. Pero, se o destino xoga aos dados, o fútbol xoga sen regras, e serían os merengues quen abriría a lata. No minuto 32, Arda Güler sacou a relucir a súa zurda para poñer o 1-0 cun disparo imparable desde a frontal. E pouco despois, cando o Celta acariñaba o empate, chegou o castigo: unha contra letal do Madrid acabou en gol de Mbappé tras unha parada salvadora de Courtois na área contraria. Dous chispazos do talento branco deixaban o marcador en 2-0 ao descanso, demasiado escarmento para un Celta que estivera moi vivo durante os primeiros 45.
Tras o descanso, o Real Madrid quixo pechar o partido pronto, e logrou conseguiu con outro tanto de Mbappé no 47, esta vez a pase medido de Güler. 3-0 e todo parecía resolvido. Pero os galegos, lonxe de vir abaixo, buscaron a remontada. No minuto 68, Javi Rodríguez aproveitou un córner para cazar un rexeite e recortar distancias. O gol deulle ás aos celestes, que seguiron apertando con fe. Sete minutos despois, Iago Aspas, recentemente ingresado ao campo, asinou unha asistencia milimétrica para que Williot Swedberg definise e subise o 3-2 ao luminoso. A falta de 15 minutos, o Bernabéu quedou en silencio e o partido estaba máis que aberto. Aspas liderou cada ataque, Pablo Durán tivo o empate nas súas botas e Courtois volveu salvar aos seus. Tamén Guaita apareceu no 88 cunha parada salvadora tras un gran tiro de Bellingham. O Celta tentouno ata o último suspiro, empuxando ao Real Madrid a encerrarse no seu campo e resistir como puido os cinco minutos de engadido.
Non houbo premio no marcador, pero si en sensacións. O Celta deu a cara, ofreceu espectáculo e demostrou que as súas 14 tempadas consecutivas en Primeira están máis que xustificadas. Agora toca volver a Abanca Balaídos, onde o vindeiro sábado os pupilos de Claudio Giráldez recibirán ao Sevilla FC coa intención de reencontrarse coa vitoria e seguir facendo do templo celeste un fortín.
FICHA TÉCNICA:
3 – Real Madrid: Courtois; Lucas Vázquez, Tchouaméni, Asencio (Jacobo, m.66), Fran García; Fede Valverde, Ceballos (Modric, m.74), Güler (Brahim, m.83), Bellingham; Vinícius e Mbappé.
2 – RC Celta: Guaita; Javi Rodríguez, Yoel Lago, Marcos Alonso; Carreira (Hugo Álvarez, m.54), Fran Beltrán (Ilaix, m.54), Sotelo (Iago Aspas, m.76), Mingueza; Fer López, Alfon González (Pablo Durán, m.65) e Borja Iglesias (Williot Swedberg, m.65).
Goles: 1-0, m.33: Güler. 2-0, m.39: Mbappé. 3-0, m.48: Mbappé. 3-1, m.69: Javi Rodríguez. 3-2, m.76: Williot Swedberg.
Árbitro: Jesús Gil Manzano, Colexio Extremeño. Amonestou a Bellingham (m.45) e a Jacobo (m.95) polo Real Madrid; e a Yoel Lago (m.62) polo RC Celta.
Incidencias: Encontro correspondente á Xornada 34 de LALIGA EA SPORTS disputado no estadio Santiago Bernabéu ante 67.661 espectadores. Gardouse un minuto silencio polo falecemento do Papa Francisco.
