junior-alonso-celebracion-copa-celta-real-sociedad-011118.jpg
Primeiro Equipo

Un gol da Real ‘in extremis’ complica a eliminatoria ao Celta (1-1)

RC Celta

Un gol sobre a bucina da Real Sociedad pon costa arriba a eliminatoria copeira para o RC Celta. Os celestes realizaron un partido notable e deixaron acenos de que o equipo continúa crecendo e consolidándose. Tras un primeiro tempo no que o RC Celta dominou o balón, Iago Aspas adiantou aos célticos. Saque de esquina que Araujo prolongou ao segundo pau para o remate a gol do xenio de Moaña.

Os de Antonio Mohamed gozaron de varias ocasións para ampliar a súa vantaxe, pero un Rulli en estado de graza evitouno cun puñado de meritorias paradas. Cando o celtismo xa saboreaba a vitoria, a Real Sociedad aproveitou un dos poucos erros defensivos do RC Celta no partido para igualar o marcador e complicar a eliminatoria aos galegos. Todo por decidir no partido de volta en Anoeta.

FICHA TÉCNICA

1-CELTA: Rubén, Kevin, Costas, Araujo, Júnior Alonso, Okay, Lobotka (Beltrán, min.73), Hjulsager, Aspas, Sisto (Brais, min.45), Eckert (Mor, min.45).

1-R.SOCIEDADE: Rulli, Aritz, Llorente, Moreno, Theo, Zubeldia, Januzaj (William José, min.61), Pardo (Illarramendi, min.74), Zurutuza, Oyarzabal (Juanmi, min.70), Sandro.

Goles: Iago Aspas (1-0, min.57), Juanmi (1-1, min.81).

Árbitro: Munuera Montero, do comité andaluz. Amonestou a Brais e Kevin (Celta), Llorente, Oyarzabal, Zurutuza, Moreno, Illarramendi e Aritz (Real Sociedad).

Campo: ABANCA Balaídos (15.195 espectadores).

Observacións: o canteirán Kevin debutou co primeiro equipo. Lobotka retirouse lesionado e as probas médicas descartan que se trate dunha doenza grave. A megafonía e videomarcadores do estadio enviaron unha mensaxe de apoio a Luca Sangalli, xogador da Real Sociedad que recentemente sufriu un ictus.

RC Celta

Etiquetas

Primeiro Equipo Novas primeiro equipo Novas primeiro equipo Novas primeiro equipo Primeiro Equipo Primeiro Equipo

Noticias recomendadas