O Celta B empatou (2-2) ante o CD Calahorra no partido correspondente á trixésimo terceira xornada de Liga no grupo I de Primeira RFEF Footters disputado en Barreiro. Os celestes foron capaces de remontar o 0-1 inicial, pero finalmente os visitantes poñerían as táboas no marcador.
O partido comezaba cunha primeira metade con alternativas para ambos os equipos na que o Calahorra adiántase por medio de Carlos Vicente nunha xogada que pillou desprevida á defensa local. A resposta do Celta B foi inmediata, con oportunidades para Pampín, Carbonell e Lautaro que eran o preludio do empate. Unha igualada que chegaba tras unha boa definición de Gabri Veiga tras o pase dun Lautaro que, acto seguido, puido darlle a volta ao marcador.
O bo nivel celeste do tramo final do primeiro tempo trasladouse a unha segunda metade na que Miguel Rodríguez, despois de dous avisos, facía o 2-1 tras unha boa xogada individual de Alfon por banda esquerda. Pouco durou a alegría en Barreiro, pois o Calahorra empataba acto seguido nunha xogada a balón parado. O segundo equipo céltico envorcouse sobre a portería visitante, cunha boa ocasión para Holsgrove nos minutos finais, pero non foi suficiente para sumar os tres puntos.
Pase o que pase no resto da xornada, o Celta B mantén a cuarta posición despois de sumar 55 puntos en 33 xornadas. Tras este empate, o segundo equipo céltico visitará ao Real Racing Club o vindeiro domingo 1 de maio ás 12:00 no Sardinero.
FICHA TÉCNICA
2 – RC CELTA B: Gaizka Campos; Javi Castro, Álex Martín, Carlos Domínguez, Diego Pampín; Carbonell (Miguel Rodríguez, min. 46), Holsgrove; Cedric (Javi Gómez, min. 64), Gabri Veiga (Beitia, min. 77), Alfon (Iker Losada, min. 64); Lautaro (Fabrício, min. 64).
2 – CD CALAHORRA: Iricibar; Cera (Zuribi, min. 90), Titi, Mario Gómez, Zabaleta (Albert Torras, min. 90); Carlos Vicente, Tarsi, Jesús Álvarez, Barace; David Soto (Zoilo, min. 77), Álex Arias (Madrazo, min. 60).
Goles: Carlos Vicente (0-1, min. 14); Gabri Veiga (1-1, min. 36); Miguel Rodríguez (2-1, min. 60); Titi (2-2, min. 63).
Árbitro: Pérez Muley, do colexio madrileño. Amonestou a Carbonell, do Celta B, e a Álex Arias e Titi, do CD Calahorra.
Campo: Barreiro.
