O RC Celta enorgullécese de anunciar o éxito rotundo dos Clínics de Nadal da Fundación Celta en todas as súas sedes. Unha iniciativa que leva a cabo cada ano e que xerou unha gran satisfacción entre todos os participantes xuntando formación, entretemento e celtismo. Ademais, nesta edición, volveuse a poñer en marcha a Escola de Porteiros Sergio Álvarez para a formación dos futuros gardametas celestes. O conselleiro do RC Celta, Sergio Álvarez, non se quixo perder esta nova cita e acompañou e aconsellou aos porteiros máis novos, sendo toda unha sorpresa para todos eles.
Tres xornadas na que os máis pequenos puideron gozar deste deporte á vez que aprendían cos adestradores da canteira do RC Celta. Como colofón final, na última xornada, todos os familiares puideron acompañar aos participantes antes de despedir esta edición que cada ano fai felices a centos de nenos e nenas. Unha experiencia que todos eles levarán consigo para sempre a modo de recordo xunto cun diploma conmemorativo que seguro gardarán con moito agarimo.
Nesta xornada de clausura, na sede de A Madroa, levouse a cabo unha degustación de produtos de Fresco e Salvaxe para fomentar os hábitos saudables de alimentación entre todos os mozos deportistas.
Sen dúbida, os Clínics de Nadal da Fundación Celta representan unha entrañable iniciativa que supón todo un orgullo para o RC Celta.
Ata o ano que vén!
