Espectacular. O RC Celta Infantil B é o brillante campión da prestixiosa Dubai Intercontinental Cup Ou13, un dos principais torneos internacionais da categoría no que participan as mellores canteiras do planeta. O conxunto celeste alzouse co título tras vencer nada menos que ao Al-Nasr en oitavos de final (7-0), ao Chelsea en cuartos (3-0), ao FC Barcelona en semifinais (2-0) e á Juventus na final (1-0).
O broche de ouro a estes resultados impresionantes foron os recoñecementos a Óscar, capitán do equipo vigués, como máximo goleador e mellor xogador do torneo. Un absoluto e rotundo éxito para os canteiráns celestes e un novo referendo ao sólido proxecto de fútbol base do RC Celta e a Fundación Celta.
