O pasado venres celebrouse no Salón Regio de A Sede unha reunión informativa sobre as competicións federadas das Escolas de Fútbol Fundación Celta para os pais e nais de todos os inscritos que optaron por matricularse na Escola con esta opción. Gran éxito de asistencia con máis de cen asistentes, o que demostra o gran interese que todos amosan pola novidade de incorporar a competición federada este novo curso. Tanto os nenos como os familiares estaban moi emocionados de poder competir os fins de semana coas nosas Escolas de Fútbol. As prazas están case cheas pero aínda quedan algunhas prazas vacantes nalgunha das categorías, polo que animamos a todos aqueles que estean interesados a que se inscriban canto antes. O adestramento, a participación e a diversión serán os piares fundamentais dos nosos equipos federados.
Á marxe da competición continúa a nosa Escola de Porteiros Sergio Álvarez, que comezou a tempada pasada con gran éxito de participación cunha presenza continuada de Sergio Álvarez nos adestramentos, que os mozos porteiros valoraron moi positivamente. Para esta escola específica de porteiros as prazas son máis limitadas, polo que canto antes asegures a túa presenza, mellor.
E ao mesmo tempo, un ano máis seguimos coa nosa exitosa Escola de tecnificación, onde aplicamos os mesmos métodos de traballo que na nosa canteira para contribuír á formación futbolística de mozos promesas federados noutros clubs.
