Manu Garrido (Madrid, 6 de outubro de 2000) chega ao Celta Fortuna procedente do CD Leganés para reforzar a súa dianteira e faino por tres tempadas, ata 2026.
O madrileño de 22 anos e gran envergadura non é un descoñecido para os celtistas. A pasada campaña chegou no mercado invernal á cidade olívica en condición de cedido e puido disputar ata 12 encontros coa camiseta celeste, repartidos entre a liga e o play-off de ascenso de Primeira Federación.
Agora, o dianteiro volve poñerse ás ordes de Claudio Giráldez e loitará xunto ao resto dos seus compañeiros por defender o noso escudo nesta tempada do Centenario tan especial para todos os celtistas.
