Para o próximo encontro do RC Celta como visitante, contra a UD Las Palmas o vindeiro luns 2 de outubro ás 21:00 h, todos os abonados que queiran acompañar ao equipo poderán facerse coas entradas a partir de hoxe mesmo e ata o martes 26 de setembro ás 23:45 h a través da páxina web do RC Celta, no portal de abonados.
O importe das entradas será de 30€. Ademais, os pases serán nominais, polo que non se admitirán camios nin devolucións, e exclusivos para abonados celestes.
A data de entrega das entradas será, de forma presencial, desde o mércores 27 de setembro ata o xoves 28 de setembro, en horario de 10:00 h a 14:00 h e de 16:00 h a 19:00 h nos despachos de billetes de abonados de Abanca Balaídos.
As entradas que non se retiren nese prazo serán enviadas a Las Palmas, e comunicarase ao usuario vía mail, o lugar e horario da súa retirada.
