Para todos os celtistas que queiran acompañar ao Celta Fortuna no seu próximo encontro como visitante, o domingo 8 de outubro ás 19:00 h contra o RC Deportivo, poderán facerse coas entradas desde hoxe mesmo e ata mañá, martes 3 de outubro ás 23:45 h a través da páxina web do RC Celta, no portal de abonados.
Estas entradas terán un importe de 20 €. Ademais, serán nominais, polo que non admitirán cambios nin devolucións, e exclusivas para os abonados celestes.
A información sobre a data e a forma de entrega darase a coñecer aos compradores vía mail.
