O RC Celta inicia a tempada 2024/25 co lanzamento da súa campaña de abonados: “Herdeiros”. Esta campaña, que arrinca hoxe, estenderase ata o 27 de xuño, e o club espera contar con todo o apoio do celtismo.
Este ano, o Carné Celtista Abonado, novo nome do antigo Carné Abonado, presenta varias novidades. Entre elas destaca o Carné Celtista, unha nova estrutura de prezos sectorizados e reaxustados, descontos por idade, a posibilidade de realizar pagos aprazados en catro prazos cun 5% diluído, cambios de titular, a transferencia de abonos de adultos, a cesión de abonos instaurada na tempada 23/24 e melloras nos accesos ao estadio.
Para aqueles interesados en facerse abonados na tempada 2024/25, o club continúa coa lista de espera habilitada o curso pasado. Mantense, tamén, a eliminación da cota de alta, brindando a oportunidade única de vivir a paixón que caracteriza ao RC Celta en cada encontro. Con iso, e tras unha tempada centenaria inesquecible, o club desexa conmemorar a todos aqueles que transmitiron este sentimento inexplicable aos seus fillos e netos.
Como parte da campaña, o primeira equipación de Hummel será un imprescindible histórico no armario de cada abonado. Para facilitar a súa adquisición, os abonados poderán gozar dun cupón de desconto de 10 euros para comprar a nova camiseta celeste a un prezo especial, válido por tempo limitado.
DATAS CRAVE
Desde o luns 17/06 ata o xoves 27/06, ambos inclusive:
Durante este período, os abonados poderán proceder á renovación dos seus abonos a través da plataforma en liña, elixindo a forma de pago desexada. Ademais, terán a opción de solicitar cambios de asento ou de bancada mediante a mesma plataforma, xa sexa de forma individual ou en grupo.
- Desde el xoves 04/07 ata o vernes 12/07, ambos inclusive:
Durante este lapso de tempo, o club atenderá as solicitudes de cambios de asento ou de bancada, tendo en conta a dispoñibilidade e adxudicación de butacas definitivas. É importante destacar que o club se comunicará exclusivamente con aqueles abonados que realizasen solicitudes de cambios durante o período mencionado anteriormente.
Gol:
Os abonados de Gol poderán realizar a renovación con normalidade a través do Portal de Abonados. Dado que é probable que as últimas obras de Abanca Balaídos comecen na próxima tempada, aqueles con butacas nesta bancada serán recolocados. O club poñerase en contacto directamente cos abonados afectados para xestionar a recolocación e, unha vez finalizada a remodelación do estadio, volverá contactarlles para asignarlles as súas butacas definitivas e emitir os seus carnés correspondentes.
COMO TRAMITAR A MIÑA RENOVACIÓN E A DO MEU NÚCLEO FAMILIAR
Para levar a cabo a renovación, os abonados e os seus núcleos familiares poden acceder ao Portal de Abonados a través de dispositivos móbiles, tablets ou desde calquera outro dispositivo con acceso a Internet. Simplemente deberán ingresar ao sitio web abonados.rccelta.es e introducir o IDE de Abonado, que se atopa no reverso do carné, e o PIN, que corresponde ás últimas 4 cifras do DNI. En caso de non posuír DNI, a clave para o PIN será 1111.
CONDICIÓNS DE PAGO
Para garantir a comodidade dos abonados, establecéronse tres modalidades de pago dispoñibles:
- Tarxeta de crédito/débito:
Os abonados poderán realizar o pago de forma rápida e segura a través de tarxeta de crédito ou débito. Esta opción permite unha transacción áxil e sinxela.
- Domiciliación bancaria:
En caso de elixir esta opción, o recibo cargarase automaticamente entre o 1 e o 5 de agosto. Se xa se tiña esta opción seleccionada na tempada anterior e non se desexa realizar cambios, non será necesario realizar ningunha acción no Portal de Abonados, xa que o recibo cargarase de forma automática dentro do prazo mencionado.
- Pago a prazos con domiciliaciónación:
Ofrécese a posibilidade de realizar o pago fraccionado en 4 cotas, correspondentes aos meses de agosto, setembro, outubro e novembro. Os recibos cargaranse durante os primeiros 5 días de cada mes. É importante ter en conta que o pago fraccionado non ten intereses, pero conleva un gasto de xestión do 5% do importe total, o cal se abonará con tarxeta ao momento de tramitar a renovación.
CATEGORÍAS
o Maior de 65: Nados antes de 31/07/1959
o Adulto: Nados entre 01/08/1959 e 31/07/1993
o Sub 30: Nados entre 01/08/1993 e 31/07/1998
o Sub 25: Nados entre 01/08/1998 e 31/07/2008
o Sub 15: Nados entre 01/08/2008 e 31/07/2016
o Infantil: Nados entre 01/08/2016 e 31/07/2019
o Miudiños: Nados a partir do 01/08/2019
A nova campaña de abonados 2024/25 xa está en marcha en abonados.rccelta.es
DESCARGA AQUÍ O DOSSIER INFORMATIVO DO CARNET CELTISTA ABONADO
