O RC Celta prepárase para vivir unha xornada histórica. Anotade ben a data, 7 de setembro de 2024. As Celtas estréanse en competición oficial e farano, como non podía ser doutra maneira, pola porta grande, en Abanca Balaídos ante o Victoria CF. Un día que seguro será inesquecible para toda a familia celeste e no que é moi importante que as nosas reciban o apoio e a calor de toda unha afección unida.
Ademais, será unha xornada de goce por partida dobre. Ás 16:30, terá lugar o esperado debut de As Celtas pero non estarán soas porque, ás 19:30, será a quenda do Celta Fortuna que se enfrontará ao Arenteiro, todo un derbi galego, correspondente á Xornada 3 de Primera Federación.
O acceso para gozar de ambos os encontros será gratuíto para todas as persoas posuidoras do Carné Celtista en calquera das súas modalidades (Celtista, As Celtas, Colaborador e Abonado). Pero, se non tes carné, non te preocupes porque vivir este día xunto con toda a familia celtista será moi fácil.Por unha banda, as entradas xa están á venda no portal web do RC Celta a un prezo único de 10€. Para estes partidos estarán habilitadas as zonas de Tribuna Alta, Baixa, Marcador Alto e Marcador Baixo.
Pero, hai máis, porque o RC Celta levou a cabo unha serie de accións para que este día histórico estea ao alcance de todos e que todos xuntos deámoslle a benvida que As Celtas merécense.
Durante esta semana, os lectores do Faro de Vigo atoparán entre as súas páxinas unha sorpresa moi especial. Desde hoxe mesmo e ata o vindeiro sábado, haberá un cupón válido por 2 entradas trocable en calquera das tendas oficiais do RC Celta. As entradas só daranse fisicamente, non hai dixitais.
Ademais, por compras superiores a 20€ nas tendas oficiais do club, tanto na Sede como en Abanca Balaídos, regálanse tamén 2 entradas.
Lembramos que as portas do estadio (2, 4, 5, 1, 7, 13 e 14) abrirán desde as 15:30 horas e ata as 20:15 horas. Tanto coas entradas como cos carnés, poderase entrar desde calquera momento para poder ver calquera dos partidos. Desde a finalización do partido de As Celtas e ata o comezo do encontro do Celta Fortuna, permitirase a saída e a reentrada en determinadas portas de cada bancada para aqueles celtistas que o necesiten, aínda que recomendamos que permanezan no interior entre un e outro.
Non perdas a oportunidade de facerte con algunha das entradas dispoñibles para vivir este gran evento que supoñerá un antes e un despois para a historia do RC Celta.
Esperámosvos a todos!
