O Celta alcanzou un novo fito ao chegar aos 10 millóns de seguidores en TikTok. A conta, activa desde xullo de 2020, suma pouco máis de cinco anos en funcionamento e xa se converteu na primeira rede social do club en superar esta cifra.
Este logro confirma o crecemento da proxección dixital do Celta e sitúa ao club como o sétimo equipo de LALIGA EA SPORTS en acadar os 10 millóns en TikTok; tras o Real Madrid, FC Barcelona, Atlético de Madrid, Real Sociedad, Real Betis Balompié e Sevilla FC.
A conta de TikTok, que amosa o lado máis próximo, persoal e desenfadado do día a día celeste, é hoxe a plataforma coa maior comunidade do club. As cifras, verificadas por Blinkfire, consolidan este éxito e súmanse ao crecemento noutras redes sociais como Facebook, con 3,6 millóns; Twitter, con 525.000; Instagram, con 628.000 seguidores; YouTube, con 487.000 subscritores; LinkedIn, con 16.662 seguidores; e a recente incorporación de WhatsApp, que xa conta con máis de 105 afiliados ao canal.
Un paso máis na expansión dixital do celtismo en todo o mundo.
