Xa podes facerte coa túa entrada para o partido entre o Celta e o Deportivo Alavés, correspondente á Xornada 29 de Laliga EA Sports, que se disputará en Abanca Balaídos o vindeiro domingo, 22 de marzo, ás 16:15 horas.
A partir de hoxe mesmo ás 10:00 horas, as entradas estarán dispoñibles para Carné Celtista desde 20 euros. Pasadas as primeiras 24 horas, abrirase ao público xeral desde un prezo de 25 euros.
E agora vir a Abanca Balaídos é moito máis que gozar dun partido de fútbol. Xa están á venda todas as experiencias para vivir o Celta dunha maneira especial, cantar o himno “Oliveira dos Cen Anos” en directo, sentir a paixón da bancada, ver o quecemento sobre o céspede, coñecer todos os recunchos do estadio ou lanzar penaltis como un dos teus ídolos tras o asubío final. Consulta AQUÍ todas as experiencias únicas coas que gozarás do noso templo como nunca antes.
Vémonos, afección!
