Co obxectivo de recabar información para garantir o óptimo estado dos futbolistas
Os integrantes do primeiro persoal do Real Club Celta sometéronse esta mañá no Hospital Vithas Nuestra Señora de Fátima a unha completa analítica para que os servizos médicos do club poidan avaliar o seu estado físico e solicitar a información necesaria para garantir o estado óptimo dos futbolistas no tramo decisivo da competición. Trátase dunhas probas, análises de sangue e ouriños, que se realizan tamén a principio de tempada e que esta mañá á primeira hora completaron os xogadores célticos no Hospital de referencia para o club celeste.
