Os celestes realizaron case toda a sesión no ximnasio debido ao mal tempo
Tras descansar no día de onte, o persoal do Real Club Celta reincorporouse esta mañá ao traballo nas instalacións deportivas da Madroa. Os xogadores adestraron na zona de ximnasio debido ao temporal e tan só saíron ao céspede para correr durante uns minutos ao final da sesión.
O conxunto céltico exercitouse coas ausencias de Ju Young Park, con permiso do club, ademais de Augusto, Túñez, Krohn-Dehli e Orellana, que continúan concentrados coas súas seleccións nacionais e que mañá martes xogarán partidos clasificatorios para o Mundial 2014. O internacional noruegués Vadim Demidov xa se incorporou á disciplina celeste tras cumprir cos seus compromisos internacionais.
No capítulo de lesionados, o centrocampista Natxo Insa recibiu a alta médica e adestrado con normalidade. Quique De Lucas adestrou á marxe debida a unha escordadura de nocello, do mesmo xeito que Álex López, ao que se lle realizará unha ecografía mañá para confirmar a boa evolución da súa lesión.
