O moañés estará a disposición de Abel Resino para o partido do venres ante o Athletic Club
O Comité de Competición da Federación Española de Fútbol acordou hoxe estimar as alegacións presentadas polo Real Club Celta contra as amonestacións que recibiron os xogadores celestes Iago Aspas e Jonathan Castro, Jonny, no partido do pasado sábado ante o Levante, polo que ambos os cartóns amarelos han quedado sen efecto. Desta maneira, Iago Aspas estará a disposición do técnico Abel Resino para o partido deste venres ante o Athletic Club de Bilbao e Jonny queda con tres amonestacións.
As alegacións polo cartón amarelo a Krohn-Dehli foron desestimadas. O club non presentará recurso a esta decisión.
