O club deséxalle ao adestrador de porteiros celeste unha pronta e total recuperación
O adestrador de porteiros do Real Club Celta Patxi Villanueva será sometido hoxe a unha intervención cirúrxica de hernia discal que lle manterá inactivo varias semanas. Desde o adestramento de mañá, mércores, cubrirán a ausencia de Villanueva técnicos das categorías inferiores do club. O R.C.Celta quere enviarlle a Patxi Villanueva unha mensaxe de ánimo e desexarlle unha pronta e total recuperación.
