O RC Celta medirase no seu segundo partido de preparación para a tempada 2021/22 ao equipo chipriota Pafos FC o vindeiro sábado 31 de xullo ás 11:30h nas instalacións da Cidade Deportiva Afouteza.
A só dúas semanas do inicio liguero, o equipo de Eduardo Coudet recibirá ao sétimo clasificado na pasada tempada en Chipre no que será un novo test para seguir traballando de cara ao próximo 15 de agosto, data de arranque de LaLiga 2021/22 para os celestes.
Como xa anunciou o club, o 7 de agosto o equipo xogará un partido de preparación en Inglaterra ante o Wolverhampton Wanderers Football Club.
