ESCUDO-1300x400-02
Primeiro Equipo

Vitoria do RC Celta fronte ao Pafos FC no segundo test de pretemporada

RC Celta

Segundo partido da pretempada celeste e segunda vitoria. Os xogadores adestrados por Eduardo Coudet seguen demostrando o seu gran momento de forma e ofreceron de novo boas sensacións de cara ao comezo de LaLiga.

O RC Celta derrotou esta mañá na Cidade Deportiva Afouteza ao conxunto chipriota do Pafos FC por 2-0 con goles de Nolito e Santi Mina.
Intensidade, traballo, concentración…. Cada partido é un exame para os xogadores do RC Celta e non se conforman co aprobado. Nunha primeira parte na que o Pafos FC comezou tendo moi bos minutos, o control e dominio celeste non tardou en chegar. Nolito encargouse de adiantar ao RC Celta cun toque sutil diante do porteiro visitante, demostrando calidade e templanza.

O control do partido celeste certificouse na primeira parte co segundo gol, obra de Santi Mina, un tanto de ‘nove’ clásico. O segundo para o canteirán na pretempada.

A segunda parte comezou con cambios. Renato Tapia e Denis Suárez debutaron en pretempada substituíndo a Fran Beltrán e Solari e contribuíron a que o ritmo e o control non baixasen nin un só segundo.
Pese a que o Pafos FC intentouno ata o final, o conxunto celeste mantívose firme e evitou encaixar goles, ofrecendo unha clara mensaxe de solvencia defensiva.

O próximo partido será o martes 3 de agosto na Cidade Deportiva Afouteza fronte ao Gil Vicente, unha nova proba de cara ao complicado inicio de tempada fronte ao Atlético de Madrid, o día 15 de agosto en Abanca Balaídos.

RC Celta

Etiquetas

Primeiro Equipo

Noticias recomendadas