A tenda oficial do RC Celta situada no estadio de Balaídos amplía o seu horario habitual con motivo das datas do Nadal. A partir do luns 4 decembro, o comercio celeste permanecerá aberto de luns a sábado en horario ininterrompido de 10:00 a 20:00 horas.
A maioría dos produtos dispoñibles no establecemento de Balaídos tamén poden atoparse na renovada tenda online, na que os abonados poden gozar do seu desconto habitual realizando un sinxelo proceso de identificación.
