A Fundación Celta dá inicio esta semana a “Celeste Solidario”, unha campaña solidaria que terá como obxectivo levar esperanza e alegría durante este nadal aos nenos afectados pola DANA. Do 25 de novembro ao 18 de decembro, o RC Celta, en colaboración cos Bombeiros de Vigo, recollerá xoguetes novos para as familias máis necesitadas nas zonas afectadas.
Onde podes colaborar?
Nas tendas oficiais do RC Celta, tanto en A Sede de Príncipe como en Abanca Balaídos, durante o seu horario comercial.
No Pavillón de Navia os días de partido do Celta Baloncesto, o 4 e o 15 de decembro.
O club confía en que, unha vez máis, o celtismo envorcarase con esta acción e levarán moitos xoguetes á Comunidade Valenciana durante estas datas tan sinaladas.
Unidos faremos a diferenza!
