O presidente do RC Celta, Carlos Mouriño, anunciou esta mañá nun almorzo cos medios de comunicación una das accións máis rechamantes e emotivas da celebración do Centenario do club. O Celta B terá un nome novo a próxima tempada para render homenaxe ao máis antigo dos clubs que orixinaron o nacemento do RC Celta. O filial celeste chamarase oficialmente, e así será rexistrado na Federación Española de Fútbol, Celta Fortuna como homenaxe ás orixes do club.
