Para o próximo encontro do RC Celta como visitante, que se disputará o vindeiro sábado 23 de setembro ás 18:30 h no Estadio Olímpico Lluís Companys fronte ao FC Barcelona, todos os abonados que queiran acompañar ao equipo poderán facerse coas entradas a partir de hoxe mesmo e ata o 18 de setembro ás 23:45 h a través da páxina web do RC Celta.
O importe das entradas será de 30€. Ademais, os pases serán nominais, polo que non se admitirán cambios nin devolucións, e exclusivos para abonados celestes.
A data de entrega das entradas será, de forma presencial, desde o martes 19 de setembro ata o xoves 21 de setembro, en horario de 10:00 h a 14:00 h e de 16:00 h a 19:00 h nas taquillas de abonados de Abanca Balaídos.
As entradas que non se retiren nese prazo serán enviadas a Barcelona, e comunicarase ao usuario vía mail o lugar e horario da súa retirada.
