Tras unha semana de choivas, Vigo tinguiuse de celeste nunha asollada mañá de domingo para acoller a VIII edición da Invasión Celeste. A Fundación Celta, xunto a Profand, reuniu a máis de 1.200 corredores, aos que se uniron preto de 200 nenos, que patearon as rúas de Vigo, desde A Sede do RC Celta na Rúa Príncipe ata o emblemático estadio de Abanca Balaídos.
Foi unha xornada de diversión, pero tamén de competición, en varias categorías. Na proba de 10 quilómetros, os vencedores foron Maxi Oubiña e María Nieto; mentres que na carreira de 5 quilómetros, levaron os primeiros postos Anxo Otero e Claudia Martínez.
Un ano máis, o celtismo entregouse con esta iniciativa, batendo récords, pero co mesmo entusiasmo e ilusión que sempre e deixando imaxes para o recordo. O club está seguro de que queredes estas fotografías, polo que, a modo de agradecemento pola acollida desta edición, aquí tedes unha galería do que foi o evento. Seguro que atopades algunha cara coñecida!
