O pasado venres 7 de marzo, a presidenta do RC Celta, Marián Mouriño, participou na celebración do 30 aniversario do Colexio Los Sauces, institución colaboradora do club que celebra durante o curso 2024/2025 tres importantes aniversarios: 40 anos en La Moraleja e 30 en Pontevedra e Torrelodones.
Durante o evento, que tivo lugar nas instalacións da escola de Vigo, Marián Mouriño deu unha charla sobre a importancia do deporte como parte fundamental da formación e desenvolvemento integral dos estudantes.
O RC Celta quere agradecer a Los Sauces a invitación e o trato, así como o estreito vínculo que une ao club con este colexio desde hai tantos anos.
Parabens!
