O mar de Vigo garda lendas, memoria, sacrificio e identidade. Ronsel percorre a profunda relación entre o Celta, o mar e a pesca. Unha historia de Celta Media que mira ao pasado para entender de onde vimos e o valor do que somos.
É unha viaxe pola historia de Vigo e do Celta a través do seu vínculo máis profundo: o mar. Antes de ser a gran cidade que hoxe coñecemos, Vigo foi unha vila mariñeira que creceu mirando cara á ría e vivindo dela. A pesca, os estaleiros, as conserveiras, a lonxa e o porto foron dando forma á cidade, xerando emprego, riqueza e identidade, e convertendo a Vigo nunha das grandes cidades industriais e portuarias do Atlántico.
Pero o mar non só marcou o crecemento de Vigo. Tamén forma parte, desde as súas orixes, da historia do Celta. Percorremos a historia da cidade seguindo o ronsel dos monumentos que Vigo dedicou ao mar. Cada un deles serve como punto de partida para descubrir unha parte da esencia da cidade e, ao mesmo tempo, achegarnos á historia do Celta: desde os seus primeiros días, cando o campo de Coia atopábase practicamente a pé de mar, rodeado de conserveiras e estaleiros, ata os anos nos que boa parte dos primeiros dirixentes do club estaban estreitamente ligados á industria marítima.
Unha historia de traballo, de paixón, de industria e de identidade.
Non a podes perdes!
