O próximo 22 de decembro inaugurarase o Tour Especial Nadal polo Estadio Abanca Balaídos. Unha experiencia máxica e inesquecible para toda a familia e que se poderá gozar ata o día 5 de xaneiro. As entradas xa están á venda.
O Tour Abanca Balaídos recibiu este ano a miles de afeccionados que puideron vivir desde dentro a paixón do RC Celta, con todo, este Tour exclusivo Especial Nadal está cargado de novidades e sorpresas.
Ademais de percorrer todos os recunchos do estadio e coñecer os segredos e curiosidades que o envolven, esta experiencia contará con actividades e dinámicas do Nadal que farán gozar a maiores e pequenos.
Un bingo musical de panxoliñas con premio para o gañador, decorar o mural do Nadal e entregar a carta na caixa de correos máxica serán algunhas das novidades neste Tour Especial Nadal que terá unha duración dunha hora e media e que será liderado por un guía especializado vestido para a ocasión.
A primeira sesión será o próximo 22 de decembro ás 12:30h. Pódense consultar o resto de datas dispoñibles e comprar as entradas en bstadium.es.
Reúne á túa familia e amigos e celebra o Nadal xunto ao RC Celta!
Bo Nadal celtistas.
