O RC Celta anuncia a próxima apertura das votacións para o XII Trofeo Manuel de Castro “Hándicap” by Estrella Galicia, un premio creado orixinalmente polas páxinas web Moiceleste e El Fútbol es Celeste, xunto á Peña Celtista Siareiros.net. e que nesta 12ª edición lánzase desde o club.
O trofeo, creado en honra do falecido xornalista celtista, recoñece ao mellor xogador do RC Celta durante o ano natural 2022, segundo os votos de afeccionados, xornalistas, técnicos e xogadores. A entrega do premio terá lugar durante o mes de febreiro, nunha data por determinar.
O RC Celta comprácese en participar na organización deste trofeo, que conta co deseño clásico creado por Simón Agulla. Os tres xogadores máis votados serán anunciados previamente como candidatos ao Trofeo Manuel de Castro.
Pero iso non é todo. Como aliciente para o voto, entre todos os que participen nas votacións sortearase unha praza para acompañar ao gañador do XII Trofeo Manuel de Castro “Hándicap” by Estrella Galicia no acto de entrega do premio.
As votacións ábrense o venres 30 de decembro de 2022 ás 21:00 CET. O prazo de votación finalizará o venres 6 de xaneiro de 2023 ás 18:29.
O futbolista elixido será o gañador do XII Trofeo Manuel de Castro “Hándicap” by Estrella Galicia, correspondente ao ano 2022 e cuxos anteriores gañadores son Álex López (2011), Iago Aspas (2012), Augusto Fernández (2013), Nolito (2014), Orellana (2015) e Iago Aspas (2016, 2017, 2018, 2019, 2020 e 2021).
Non deixes de participar e elixe ao mellor xogador do RC Celta!
Clasificación ano 2011
Clasificación ano 2012
Clasificación ano 2013
Clasificación ano 2014
Clasificación ano 2015
Clasificación ano 2016
Clasificación ano 2017
Clasificación ano 2018
Clasificación ano 2019
Clasificación ano 2020
Clasificación ano 2021
Nomeados
Poderase votar entre 13 candidatos, sendo estes aqueles que disputasen polo menos un terzo dos minutos totais que disputou o RC Celta en partidos oficiais durante o ano 2022.
Poderás votar AQUÍ a partir do venres 30 despois do partido (só teranse en conta as votacións a partir das 21 horas do 30 de decembro). Este Trofeo Manuel de Castro Hándicap by Estrella Galicia entrégase ao mellor xogador do 2022, a diferenza do Premio Estrella Galicia que se outorga a final de tempada e recolle as votacións mensuais dos afeccionados durante dita tempada.
Bases das votacións
1. Votaranse a tres xogadores que recibirán 5, 3 e 1 punto respectivamente.
2. Só serán válidos os votos que conteñan tres xogadores distintos da lista de nomeados. Non se contarán votos que non conteñan tres xogadores e/ou algún xogador sexa votado en dúas posicións distintas.
3. Só contaranse os votos emitidos no formulario que se atopa ao pé desta entrada. Non se contabilizarán os votos en comentarios, Twitter, Facebook, correo electrónico e similares.
4. Os votos de técnicos, xogadores e xornalistas manteranse ocultos ata o momento de dar a coñecer o gañador.
5. Os votos duplicados serán considerados nulos, non valendo ningún dos dous. só contabilizarase unha votación por correo electrónico
6. RC Celta resérvanse o dereito de arbitrar e decidir que votos non serán válidos tomando en conta as bases.
