Borja Iglesias foi presentado como xogador do RC Celta este luns #ante a afección en A Madroa. O lugar que viu crecer ao canteirán durante 4 anos foi o escenario perfecto para que o celtismo mostráselle todo o seu agarimo nunha tarde chea de sorpresas e emoción.
O evento comezou coa presentación sorpresa da primeira xogadora internacional de As Celtas, Camila Pescatore, quen asegurou á súa chegada que está “moi agradecida de poder formar parte dun proxecto tan ambicioso como é As Celtas. É unha inspiración para nós na cancha ver que tanto o club como a afección están tan involucrados con este novo equipo”.
A continuación, baixo un sol radiante, chegou a quenda do canteirán. Borja rememorou vellos tempos ao acceder ás instalacións celestes conducindo o seu Panda ante a ovación dos alí presentes. Nada máis baixar do coche asegurou que “cando chegue, a miña sensación era que non me marchei”. O dianteiro, feliz polo multitudinario aforo e o agarimo que o celtismo lle brindou no que foi a súa volta a casa despois de 7 anos, asegurou que está “moi contento e orgulloso de estar aquí. É un momento importante e especial para min, desde que son xogador profesional e tamén desde que son un neno. Só espero poder devolver todo este agarimo con moito traballo e ilusión”.
Por último, antes de asinar cartóns, balóns e camisetas, a tarde concluíu cunha sorpresa moi especial para Borja: a asistencia da súa avoa. Un momento moi emotivo para o dianteiro e para a afección, que presenciou como ambos se fundiron nun gran abrazo. Teresa, de 84 anos, dedicoulle unhas palabras ao seu neto, mostrou alegría pola súa volta e quixo compartir un par de anécdotas que emocionaron ao público asistente.
Borja, Camila e o club queren agradecer a todos os afeccionados celestes a súa implicación nun día tan especial para o RC Celta.
Benvida, Camila!
Bienvenido de novo, Borja!
