Oito anos despois, o celtismo volve emocionarse coa música das grandes noites de fútbol, coas viaxes, con ese cosquilleo que só Europa sabe provocar. O que o pasado 24 de maio parecía un soño, esta mañá fíxose realidade no sorteo celebrado no Grimaldi Forum de Mónaco, ao dar a coñecer o nome dos 8 rivais desta nova aventura continental.
O azar quixo que o Celta se enfronte do bombo uno ao Lille en casa e ao Dinamo Zagreb a domicilio; do bombo 2 ao Paok en casa e ao Estrela Vermella a domicilio; do bombo tres ao OGC Niza en casa e ao Ludogorets a domicilio; e do bombo 4 ao Bolonia en casa e ao Stuttgart a domicilio. O primeiro desafío europeo deste regreso celeste será o 24 ou 25 de setembro, a expensas aínda de saber rival e calendario completo. Polo momento, o que se se coñece é o formato da competición, que contará, como se reflicte na anterior listaxe, con oito partidos, catro en casa e catro fóra, ante dous equipos de cada bombo.
Así, pendente de definir datas, o Celta xa comeza a materializar a súa volta a Europa, a recompensa a todo un ano de traballo, Afouteza e Corazón.
Empeza o soño, celtistas!
