O RC Celta logrou unha remontada máis en Abanca Balaídos, sumando a súa vitoria número 500 como local nun partido marcado pola tradición e o arraigamento ás raíces galegas. Cigarrones, boteiros e folións foron os encargados de encher o estadio de música e cor levando o Entroido a millóns de persoas. Sen dúbida, un orgullo e identidade como preludio perfecto para un encontro no que o conxunto celeste logrou prolongar a súa xeira a cinco partidos sen perder e demostrar, unha vez máis, a súa afouteza e intensidade para reaccionar ante a adversidade.
O partido arrincaba cun golpe inesperado e temperán cando o CD Leganés adiantábase no marcador no minuto 18 cun gol de Rossier. Con todo, os celestes non se viñeron abaixo e, aos poucos, comezaron a brillar, especialmente na banda esquerda, onde Óscar Mingueza e Alfon combináronse para empatar o partido. O albaceteño lograba desmarcarse pola banda e filtrar un excelente pase á área que Mingueza axustaba ao segundo pau dando inicio á reacción celeste.
Un tanto que non só puña as táboas no marcador senón que enchufaba ao equipo nun encontro no que tocaron á porta do Leganés en varias ocasións, ata que antes do descanso lograrían bater a Dmitrovic e anotar o tanto da vitoria. Iago Aspas coa súa particular lección de clase, apoiaba de costas a Borja Iglesias cun espectacular taconazo. Un pase co que o galego asistía a Alfon que, cun tiro cruzado, anotaría o 2-1 dándolle vantaxe aos celestes antes de irse ao vestiarios.
Na segunda metade, o conxunto madrileño saltaba ao terreo de xogo cunha disposición máis ofensiva e comezando a xerar perigo na área celeste. Uns minutos no que aos de Claudio Giráldez custáballes acomodarse no campo e non atopaban a forma de cortar o xogo dos visitantes. Con todo, de novo Alfon aproveitaba calquera ocasión para xerar ataque e estivo preto de sentenciar o encontro con outro remate desde a frontal, aínda que sen fortuna. No tramo final, Pablo Durán, aos poucos minutos de ingresar ao terreo de xogo, resolvía o partido anotando o terceiro que finalmente non subía ao marcador por un fóra de xogo milimétrico. Exercicio de resistencia ata o minuto final para pechar unha nova e importantísima vitoria que pasará á historia como a número 500 como local e a novena esta tempada ante toda a afección celeste.
O próximo reto celeste será ante o Real Valladolid o sábado, 15 de marzo, ás 14:00h no estadio José Zorrilla.
FICHA TÉCNICA:
1 – RC Celta: Vicente Guaita; Jailson (Javi Rodríguez, min. 75), Carl Starfelt, Marcos Alonso; Sergio Carreira, Hugo Sotelo (Ilaix Moriba, min. 75), Damián Rodríguez (Iker Losada, min. 58), Óscar Mingueza; Iago Aspas (Fran Beltrán, min. 58), Borja Iglesias (Pablo Durán, min. 83) e Alfon.
0 – CA Osasuna: Dmitrovic; Rosier, Tapia (Chicco, min. 90), Nastasic (Jorge Sáenz, min. 46), Sergio González (Duk, min. 83), Hernández; Cruz, Neyou, Cissé (Raba, min. 67), Óscar Rodríguez e Diego García (Miguel, min. 67).
Goles: 0-1, min. 18: Rosier. 1-1, min. 25: Óscar Mingueza. 2-1, min. 45: Alfon.
Árbitro: Díaz de Mera (Comité castelán manchego). Amoestou por parte do Celta a Damián (min. 55), Jailson (min. 69) e a Óscar Mingueza (min. 92); e a Nastasic (min. 8) e Jorge Sáenz (min. 77) por parte do CD Leganés.
Incidencias: Partido correspondente á 27º xornada de Laliga EA Sports disputado no estadio Abanca Balaídos ante 17.326 espectadores. Gardouse un minuto de silencio antes do partido en memoria de Herminio González, exxogador e capitán celeste.
