A tres xornadas de que finalice a presente tempada, o RC Celta aínda mantén o soño de chegar aos postos de honra da clasificación. Este mércores, Abanca Balaídos acolle un partido que pode axudar aos de Coudet a impulsarse na clasificación en busca dos equipos que ocupan postos europeos.
Chega en boa forma ao encontro o conxunto celeste despois de sumar tres vitorias seguidas ante Osasuna, Levante e Vilarreal, onde demostrou ser un dos equipos máis en forma de LaLiga ao superar con claridade a todo un finalista europeo.
Este mércores visita Vigo o Getafe, un equipo rochoso que está a pelexar por abandonar os postos de perigo na táboa. No partido de ida, disputado en decembro, o resultado foi de empate uno e Aspas foi o goleador celeste.
Para este encontro, o adestrador arxentino conta coas baixas seguras de Emre Mor, Sergio Álvarez, Rubén Branco, Jeison Murillo e Renato Tapia por lesión e de Néstor Araújo e Facundo Ferreyra por sanción.
