O canteirán Hugo Álvarez foi chamado por primeira vez polas categorías inferiores da Selección Española. O futbolista do Xuvenil A foi convocado polo combinado sub-19 para uns adestramentos oficiais que se celebrarán en L’Alfàs do Pi (Alacante) a próxima semana, do 17 ao 19 de xaneiro.
Hugo disputou quince encontros (trece deles como titular) cun Xuvenil A que se proclamou esta fin de semana campión de inverno, cun rexistro individual de doce goles e cinco asistencias. Unha tempada na que tamén debutou co primeiro equipo en LaLiga e na Copa del Rey.
Esta citación referenda o traballo e o esforzo do club e a Fundación na potenciación e mellora da canteira celeste, cuxa achega ás categorías inferiores da Selección Española é máis que notable.
Podes consultar a convocatoria ao completo nesta ligazón.
