O Celta Fortuna comeza a perfilar como será a súa pretemporada 2026/27 e xa coñece unha das súas primeiras citas. O conxunto dirixido por Fredi Álvarez xogará ante o Sporting de Gijón nun encontro amigable que se disputará o vindeiro mércores, 22 de xullo ás 19.00 horas, a porta pechada na Madroa.
O conxunto asturiano, que tamén será un dos rivais do primeiro equipo celeste durante a preparación estival, supoñerá unha esixente primeira proba para un Celta Fortuna que encara a súa estrea en LaLiga Hypermotion. Ademais, este amigable servirá como anticipo do duelo ligueiro que ambos os equipos disputarán na Xornada 8 do calendario, cando o filial celeste visite O Molinón.
A conta atrás para o inicio do curso xa está en marcha!
