O Celta B colleitou ante a RB Linense (1-1) un novo empate no partido correspondente á sexta xornada de liga no grupo I de Primera Federación disputado no Municipal de La Línea. Os celestes, que se adiantaron no marcador na primeira parte, encaixaron o gol do empate tras o descanso nun partido marcado polos intensos refachos de vento.
O partido comezaba totalmente de fronte para un Celta B que se adiantaba por medio de Raúl Blanco, que marcaba o seu primeiro gol en Primera Federación na súa primeira titularidade da tempada. Unha primeira metade na que o Celta B controlou sen excesivos problemas para Christian Joel, que evitaba o empate cunha gran estirada na ocasión máis clara dos locais.
Tras o descanso, o Celta B insistiu no seu dominio ante unha RB Linense que, con todo, lograba o gol do empate pasado o primeiro cuarto de hora por medio de Toni García, recentemente ingresado no terreo de xogo.
Os de Claudio Giráldez levaron o peso do encontro tras o empate, un dominio máis aguilloado tras a expulsión de Gerard Oliva nun tramo final de choque no que, a pesar das chegadas de perigo, non se conseguiu desnivelar o resultado cara ao lado visitante.
Tras este empate, o Celta B mantense en media táboa tras sumar seis puntos en seis xornadas. O segundo equipo céltico recibirá á AD Mérida o vindeiro domingo 9 de outubro ás 17:00 en Barreiro na sétima xornada de liga.
FICHA TÉCNICA
1 – RB LINENSE: Varo; Loren, Borja, Jesús Muñoz, Víctor; Yassin Fekir (Alhassan Koroma, min. 46), Delmonte (Masllorens, min. 60), Romero; Omar Perdomo (Damjan Gojkov, min. 74), Nacho Heras (Gerard Oliva, min. 46), João Pedro (Toni García, min. 60).
1 – RC CELTA B: Christian Joel; Carrique, Javi Domínguez, Sergio Barcia, Medrano; San Bartolomé (Beitia, min. 87), Martín Calderón (Hugo Sotelo, min. 87); Raúl Blanco (Hugo Álvarez, min. 54), Iker Losada, Javi Gómez (Miguel Rodríguez, min. 65); Lautaro (Fran López, min. 54).
Goles: Raúl Blanco (0-1, min. 5); Toni García (1-1, min. 63)
Árbitro: Alemán Pérez, do colexio canario. Amonestou a Jesús Muñoz e Masllorens, da RB Linense, e expulsou por dobre amarela a Gerard Oliva.
Campo: Municipal de La Línea.
